E' facili ricanusciri un lagnusu,subitu a genti u pitta,
Iddu è lentu,'mpiccicusu,murtizzu...pari ca rormi aggritta!
Trova tutti i scusi p'un travagghiari,
Na vota è stancu,n'atra vota è struppiatu...
E' bonu sulu pi taliari!
Tanti voti sapi sulu chiacchiariari,
Iddu vulissi 'nzignari a l'avutri comu da cosa s'ava a fari,
Ma poi è u primu chi sa voli sccacciari!
U lagnusu è lagnusu pi du motivi:
Unu picchì a lagnusia l'avi arraricata,
Si cuntenta tampasiari tutta na iurnata,
Chiuttostu ri onorari a so pirsuna travagghiannu armenu na menz'urata,
U secunnu motivu è ca iddu vulissi fari sempri u scartuliddu,
Iddu aspetta sempri ca sunnu l'avutri
C'annu a fari chiddu c'avissi a fari iddu!...Isacasi!
" Lagnusu,puru a lavariti ti siddia,
Na atta è chiù pulita ri tia!
Però a manciari e biviri u'n ti siddia,
Puru u porcu ti fa scola a vossignoria!"
Picciotti,taliatilu bonu a stu lagnusu,
Com'è malucumminatu, u'nè bonu a nenti,
Com'è malumpaiatu,mancu a so pirsuna teni prisenti,,
Com'è sbacantatu...nuddu miscatu cu nenti.
Pi buatri pò essiri na bannera?
Certu ca no!
E allura,ramucci i spaddi,
Alluntanammuni ri cursa ri sti sbaragghi.
Facemmuni onuri!
Sempri cu forza e curaggiu,campamu cu u nostru sururi,
Ca a tutti aiuta,u Nostru Signuri! |