U scrusci scrusci

E' sicuramenti u compitu chiù difficili p'un patri e na matri
Accurdari u picciriddu quannu chianci.
Ci voli tanta pacienzia...e fantasia!
A sapiri fari l'unu ri tuttu:l'attori,u comicu,u ballerinu,
Ma soprattuttu,ha sapiri fari u picciriddu puru tu.
 
U picciriddu chianci,chianci,chianci a cori ruttu,
E tu l'annachi,u fa ballari,tu metti puru a sciccareddu,
Ma nenti,iddu chianci sempri.
E allura pigghi u scrusci scrusci...nenti! U ciuccettu...nenti! 
Chianci chiù forti 'i prima! 
E du poviru patri si metti a fari tutti l'armali chi canusci,puru chiddi estinti!
Fa u cani,a atta,a pecura...u sceccu...puru u porcu...
Ma nenti,chianci ca pari chi avi misi i batterii novi!

A stu puntu ti metti a fari tutti li onomatopeismi chiù strampalati,
Scusati a parola rossa,ma ci sta!
E o picciriddu ci metti a fari: "voca voca voca...alialè,alialè... 
Bau setti! Bau settiti!...Chi c'è? Chi c'è?...Cu fu? Cu fu?...
A vogghia! A vogghia!"...ma nenti!
Quasi quasi du picciriddu penza "ma picchì fannu i scimuniti?",
Si coci e 'nforza  ca solita musica...na camurria!
E allura a matri ci fa "gioia mia...sangu miu...cori miu...
Vita mia"... du picciriddu penza "ma tutti i cosi sunnu ri idda, 
Ma iu nenti aiu? Chi sunnu egoisti!"
Ma a bumma scoppia appena senti "sciatu miu"... 
"Puru u sciatu miu? Ma allura cà mi vonnu veru mortu?"... 
E te ccà,cafudda na scarricata ri vuci ca u sentinu fino o continenti! 
Allura di genitori si pigghianu ri currivu e 'nforzanu:
A matri rici "piscialettu ra mamma...cacalettu ra mamà"..., 
U patri assicunna "talè chi è mascaratu me figghiu...schifiusu ru papà"...
E du picciriddu sbutta:"ma ca comu sta ghiennu a finiri?
Ora affenninu puru?M'inzurtanu ri facci e facci?",
Va fermalu tu!... e 'nziringa na sirena chi argi spalancati,
Puru i tonsilli un sannu siddu hannu a sgriddari fora ora
A chi c'è campu liberu o a natri para r'anni.
Ora a situazioni si fici veru seria,un zannu chi pisci pigghiari:
"Ma chi avi? Si senti mali e nuatri u nu capemu? c'è pora ca avi na colichetta?" 
A mugghieri o maritu "tu u sintisti siddu arruttà?"
E u maritu "no,però u 'ntisi piritiari",
"Ma c'ama  fari,chiamamu u dutturi? Forsi ci voli na bedda 'gnizioni?",
Appena 'ntisi a parola  "'gnizioni",ma chi fu... miraculu!
S'addumiscì a corpu u mascarateddu!
"Finarmenti,ma veru è?".   Ancora aricchi ci friscanu a ddi puvireddi.
Ma ora c'è un probblema,u picciriddu l'avi 'nbrazza u patri e l'avissi a curcari,
Ma cu si rischia a smuvillu? 'Nzama Diu s'arruspigghia,sunnu cunzumati!
"Tal 'è ch' è bella chista!" fa u patri, "ora sugnu privu ri nesciri,è spirugghiari na pocu ri cosi,
Avissi a gghiri puru a gabbinettu!
M'attaccà stu 'nnuccenti!".
Ma a trarimentu,passa chiddu ra frutta e abbannia "Scalaru i patati! Chi bedda sciurera ri piseddi!",
Ma chi fu,na scupittata! Si rettiru signali?...
Du nutricu s'arruspigghià cu l'occhi spatiddati tanti
E attaccà na sinfonia megghiu ru maistru Verdi! 
Ma ddi cari genitori stavota si misiru a 'ririri,
Stavota u caperu subitu picchì u" attu chianciulinu" si fici sentiri,
Sbarazzà u stumacheddu e ora c'era sulu ri canciarici u quatratu.
 
Rintra dda stanza acchianà n'anfata terribili,un fetu ca c'era ri scappari!
Sbummicà na puzzura ri cavuli vugghiuti
Ca quasi quasi ci siccà u latti a da puviredda.
Ma eranu accussì cuntenti ca u picciriddu un' avia nenti

(Traduzione Italiana della poesia U scrusci scrusci)

I campanelli

E' sicuramente il compito più difficile per un padre e una madre
Calmare il bambino quando piange
Ci vuole tanta pazienza...e fantasia!
Devi sapere fare uno di tutto:l'attore,il comico,il ballerino,
Ma soprattutto devi sapere fare il bambino pure tu.
Il bambino piange,piange,piange a cuore rotto,
E tu lo dondoli,lo fai ballare,te lo metti pure sulle spalle,
Ma niente,lui piange sempre,
E allora prendi i campanelli...niente!Il ciuccetto...niente!
Piange più forte di prima!
E quel povero padre si mette a fare tutti gli animali che conosce,pure quelli estinti!
Fa il cane,il gatto,la pecora...l'asino...pure il porco...
Ma niente,piange, sembra che abbia messo le batterie nuove!
A questo punto ti metti a fare tutti gli onomatopeismi più strampalati,
Scusate la parola grossa,ma ci sta!
E al bambino ci metti a fare: " voca voca voca...alialè alialè...
Bau sette,bau settiti...che c'è? Che c'è?...Chi è stato?...Chi è stato?...
Non è nulla! Non è nulla!"...ma niente!
Quasi quasi quel bambino pensa:"ma perchè fanno gli scemi?",
Si snerva e rinforza con la solita musica...una scocciatura!
E allora la madre gli fa:"gioia mia...sangue mio...
Cuore mio...vita mia"...
Quel bambino pensa "ma tutte le cose sono sue? Ma io non ho niente?  Ma che sono egoisti!"
Ma la bomba scoppia appena sente"fiato mio"... 
"Pure il mio fiato?  Ma allora mi vogliono davvero morto?"...
E tiè,molla una scarica di urla che lo sentono fino al continente!
Allora quei genitori non si danno per vinti e rinforzano: 
La madre dice "piscialetto della mamma...cacaletto della mamma"...
Il padre aggiunge:"guarda come è monello mio figlio...capriccioso del papà"...
E quel bambino sbotta: "ma qua come sta andando a finire? 
Ora offendono pure?Mi insultano in faccia?"
Vai a fermarlo tu...e rifila una sirena con la gola spalancata,
Anche le tonsille non sanno se devono uscire ora
Che c'è campo libero o tra un paio d'anni.
Ora la situazione si è fatta davvero seria,non sanno cosa fare:
"Ma che ha?Si sente male e noi non lo capiamo?E' possibile che abbia una colichetta?"
La moglie al marito:"tu lo hai sentito se ha fatto il ruttino?",
E il marito:"no,però l'ho sentito scorreggiare"
"Ma che dobbiamo fare?Chiamiamo il dottore?Forse ci vuole una bella iniezione?"        
    
Non appena udì la parola "iniezione",ma cosa è stato...miracolo!
Si è addormentato di colpo il furbetto!
"Finalmente,ma è vero?".Ancora le orecchie gli fischiano a quei poveretti. 
Ma ora c'è un problema,il bambino ce l'ha in braccio il padre e dovrebbe coricarlo,
Ma chi si rischia a smuoverlo? Dio non voglia,se si sveglia,sono nei guai
"Guarda che è bella questa!",fa il padre, 
"Sono obbligato a non uscire,devo sbrigare un sacco di cose,
Dovrei andare pure al gabinetto! 
Mi ha legato questo innocente!"
Ma a tradimento,passa l'ambulante della frutta e grida "Costano meno le patate!Che gran fioriera di piselli!"
Ma cosa è stato,una schioppettata!Si sono messi d'accordo?...
Quel bambino si  svegliò con gli occhi spalancati
E attaccò una sinfonia meglio del maestro Verdi.
Ma quei cari genitori stavolta si sono messi a ridere,
Stavolta l'hanno capito subito perchè il "gatto piagnucoloso"si è fatto sentire,
Ha svuotato lo stomachino ed ora c'era solo da cambiargli  il pannolino.
Dentro quella stanza si levò un fetore terribile,un fetore che c'era da scappare! 
Si è sprigionata una puzza di cavoli bolliti
Che quasi quasi le si è prosciugato il latte a quella poveretta!
Ma erano così contenti che il bambino non avesse niente

Ritorna al Menù delle poesie

Sito Realizzato e Gestito da

€uromedi@ di Gianluca Valentino © 2008

www.euromediaonline.it

Via Papa Giovanni XXIII, 41 - Belmonte Mezzagno (PA) 90031

Tel. / Fax 091.8720017 - Cell. 340-7528662 euromedi@euromediaonline.it